ررووعة

السلام عليكم ورحمة الله وبركاته
هدي أول مشاركه ليا أتمنى أن تنال إعجابكم

أنساك لحظه::

أنساك لحظه و أذكرك باقي iiالعام
حتى و أنا ناسي نسيت iiوذكرتك
يالهفة المشتاق بك خافقي هام
صورتك في عيني بقلبي iiرسمتك
يا معطي عمري صفا كل الأيام
زانت بك الدنيا بشعري وصفتك
يا شمس عمري طلعتك تدفي اعوام
ادفا و أنا بردان لو ما لمستك
تدفا عروق القلب من لمسة iiابهام
تدب فيني الروح ليمن صدفتك
ودي تصير الروح مع روحي الحام
ما نفترق روحك بروحي لزمتك


الله من الهم:::

الله من هــم بروحي ســـهجها
بخافى ضميرى فـى كنين الحشا لاج
احـرمن نار تواقــد وهـــجها
منهاخطر روحـى على ســلك ديباج
وعين عسى المولى يعجل فـرجها
يفوح ناظرهـا كما عــين هــداج
استرسلت للدمع من ما iiرهـــجها
غـــيظ يكظ عبارها مثل الامـواج
كـــم واحــد له غاية ما هرجها
يكنها لو هو للادنـين iiمحــتاج
يخاف من عــوجا طــوال عوجها
هــرجـة قـفا يركض بها كـل iiهـراج
يقضب عـليك المخطيه من iiحججها
حلو نباه وقلبه اسود من iiالصـاج
الله خلق دنيا وسـاع فجــجها
وعن ما يريب القلب لك كم منهاج
والرجل وان شـطت لياليك iiسجها
عســى تواليها تبشــر بالافـراج

خيــــــــــــــــــــانه:::

لا ردك الله لا ولا اطلب تردين
ادعي عليك بعثرة فـي iiصلاتـي
عثره تشلك ما بعدها iiتقوميـن
يا قاتلتني يوم صرتي iiحياتــي
خدان لك بالقلب كانت بساتين
وريضان وغصونا بها يانعاتـي
كنتي مناة القلب والروح iiوالعين
واليوم عينك يعلها ما iiتباتـــي
كنت أحسبك للعهد والحب توفين
قلتي الغدر بالحب ماهي بسواتي
وحلفتي يمين الله ما منك iiاثنتين
وانك ملاك دون كل iiالبناتـــي
وانك على عهد المودة تسيرين
ولا تسمعين أهل الحسد iiوالوشاتي
وصار اليمين ستار خلفه توارين
ورماح غدرك بالخفا مشرعاتـي
وبان الغدر سم جرى بالشرايين
الله عسى يسقيك سم الفعاتـــي
كلي سقيتك حب واليوم iiتنسيـن
تقولين حلم ايام واليوم iiفاتـــي
خذتي الهوى لعبه على ما iiتحبين
لين عصفت بالهوى عاصفاتـي
من زينك يا بنت بالشعر تزيين
من صورك بابياته iiالطايلاتــي
انا من غرامي قلت كانك تذكرين
قلت الخجل صاب البدر من مناتي
وصرتي بشعري في العذاري iiتباهين
تقولين انا شمس العصر في حلاتي
زينتك بشعري ولا غربك الزين
ما زانتك صبغات حمر iiالشفاتــي
صورتك بالشعر حزام iiورياحين
واثرك هضاب وشوك ما به هداتي
رسمتك سحابه خير قطر تنفين
فزت لك الصحراء زهور ونباتـي
رسمتك مهاه للجميله تقودين
واثرك قطيعه وضيعتها الرعاتي
واثرك غراب يوم سدل الجناحين
كنت احسب اني شايف لي قطاتي
بالشعر غليتك على كل غاليين
واثرك دنيه وتعشقين iiالدناتــي
وبالشعر عاتبتك عتاب iiالمحبين
انا من يسوم الروح لك يا غناتي
توسلت لك خايف على حب عامين
عامين لكن في حسابي iiمئاتــي
ناديت لكن لي ابد ما iiتسمعين
عمري وروحي فكري في iiثباتي
حذراك للشينات عمري تماشين
عديمات اصل اخلاقهن iiدانياتي
غاب الولي عنهن ولعبن iiبحبلين
يا خس واليهن وخس الولاتي
ما همهن في الناس زين ولا شين
وقلوبهن من حقدهن مظلماتي
وقلتي وربك لو يكونا iiملايين
ما غيرن بالطباعهن من سماتي
تحسبين انك بالمهافه ترقين
كيف الصعود يكون iiللهاوياتي
وخنتي وبعتي كل عهد وايامين
ما عاد يفرق بين ماضي iiواتي
وصرتي مثل غيرك برخص تبيعين
يا مرخصتني ما بقى لك iiغلاتي
صبري نفذ واليوم ثارت براكين
مظلوم انا وباكر تحل iiادعواتي
سمعي عسى من بعدها ما iiتسمعين
سمعي دعا من صار قلبه حصاتي
ادعي عسى من ناضرك ما تشوفين
وتطحن بك الايام طحن الرحاتي
وعساك عوق منه ما عاد iiتبرين
عوق تشافق له قلوب العداتي
ويالله عسى يحتار فيك iiالمداوين
تبين الممات ولا يجيك المماتي
ويالله عسى كف الندامه iiتعضين
تندمين يوم انه يفوت الفواتي
وتبكين دم يسيل من مقلة العين
وتحتار امك عن عناك iiوتحاتي
عسى ما تلاقي من له القلب iiتهدين
وان هو حصل ادعي عساك iiالشتاتي
يا بلوة اللي وسط بيته iiتعيشين
ساهي وحوله شب جمر الغضاتي
عسى بعمرك ساعه ما iiتهنين
وتمضي حياتك بين هم وشقاتي
يا بنت قلبي وين مثله تلاقين
قلبا عطاك الحب ما قال هاتي
جيتك وروحي شلتها لك iiبكفين
وفي التاليه رمح الخيانه iiجزاتي
يالله عساك النار يا أم وجهين
كله انكشف لا ما تفيد العباتي
ويالله عسى تلبسك جن iiوشياطين
وتكونين مدعاة الحكي iiوالشماتي
يا حية رقطا تقود الثعابين
باكر تحن ايامك iiالمعتماتي
وباكر على فعلك بمثله تجازين
ظلم المشاعر ما تحكمه iiقضاتي
بيني وبينك تحكم ايام iiوسنين
وانا شاهدي قلبا من الغدر iiماتي
ويا دمعة التمساح لالا تذرفين
العيون رغم ادموعها iiكاذباتي
لا ما عرفتي الحب لا ما تحسين
وغدرك تعدى غدر ذيب iiالفلاتي
الذيب يعوي قبل يغدر بمسكين
وانتي غدرتي خافقي في سباتي
لو كان غدرك في كفوف iiالموازين
لكان رجح كل غدر البناتي
انتي السبب سقتي على القلب جرحين
غدر الغرام وموجع الذكرياتي
وانتي السبب واليوم لالا iiتلومين
وان جاك باكر شوفي اشلون يأتي
والله لاكتب وافضحك في دواوين
وارقص واغني يوم خبر الوفاتي
وارسم لاهل العشق قلبا وسهمين
وقصة خيانه ما روتها الرواتي
ويمين لانشر فوق اسمك iiعناوين
واشهرك من قاصي اليمن iiللفراتي
ومن غرب هالدنيا الى قاصي iiالصين
ديوان غدر فيه كل اللغاتي
والبادي اظلم سنة العين بالعين
والا فذي لا عادتي ولا صفاتي
ويا شبه انسانه برأس iiورجلين
اعوذ بالرحمن منك iiبصلاتي


أجمل الحزن:::

يا اجمل الحزن لدموعك سلام
من حبيب بقى منه iiالكلام
وين انا منك غربني الزمان
وخانني النور وابعدني الظلام
لو بعزيك سالت دمعتي
تدري الدمع في حبك حرام
لو بواسيك مايكفي iiالهوى
ولو ابي عذر مايكفي iiالغرام
اعطنى من عذابك يا iiالبعيد
صرخةٍ تجعل ظلوعي حطام
اااه لو في يدي ابكي معاك
قطرةٍ مادرى عنها iiالغمام
مبخل الوقت يحرمني البكا
وانت لجلك حرمني iiالابتسام
يا اطهر الحزن لو كان القصيد
يكشف الغم عن بدر التمام
لكتب الشمس شعرٍ في iiسناك
وامحي امن السما عج iiوكتام
ياعسي البدر نوره مايغيب
عن حبيبٍ بقي منه الكلام


بعد الجرح و شلونك:::

خسـارة الحب..مــــاتستاهــل أختــــارك

خســـارة أغـليك..وأثني عزّتي دونك

من آخر الجرح جيتك..هاك iiتذكارك



آخر قــصيدة..كتبها الجرح لعيونك

غـرورك اللي رقى بك..فـــوق iiمقدارك



انا اطلب الله يــجــي له iiيــــوم..ويـخـونك

أنــا أول اللـي حــيّاك..وهـــام بأشـــعارك

وأنا آخـــر اللي يـمـــــوت لاجل يــحــيّونك

مليت أنا أرضى بجفاك.وبارد أعذارك



مــــليت أمـــــد النـظـر..وتهينه غبــــونك

مصير وقتك يــبـــور..وتذبل أزهـــارك



ومصير كــل الجـــروح الحمر ينســـونك

واليوم يا الجـــــرح..والله لآخذ بـثــارك

وأســـقـيك مـن دم قلبٍ خــيـّب ظـنـــونك

خلّه ترى اللي حصــــل من لـعنة أقـــدارك



وإرحل مع اللي يـحــبك وصل..ويصونك

وما جيت أبنشد عن الهجران iiوأخبارك



جيتك أبســألك بعــد الجرح وشــلونك؟


مين حضرتك علشان قلبي تذله؟؟:::

سو الي براسك ولاتذكر اسباب
لاصرت بايعني توكل على الله
مابيني وبينك مشاريه وعتاب
شف دربك الي جيت منه iiتدله
ماراح تغلبني لو الحب iiغلاب
من حضرتك عشان قلبي iiتذله
في ذمتي لجعلك عبره للاحباب
لين الخلي يتوب عن جرح iiخله
زلاتك الي مانفع فيها iiاحساب
لاجيت اعددهن ثمانين iiزله
احرجتني بين القرايب iiوالاحباب
كن الجفا سيف بوجهي iiتسله
ماكنت اقصر فيك من كثر iiالاعجاب
يومك تساوي عندي الكون كله
كنت القريب وكلهم كانوا iiاغراب
حتى القمر لاغاب شفتك iiمحله
خلاص لاترجع ترا خاطري طاب
ابي طرا اللي كنت عايش iiبظله
رح واعتبرني واحد اذنب iiوتاب
ماني بثوب تلبسه ثم تمله
مايجتمع بالحب صادق iiوكذاب
رزقي على الله وانت رزقك على الله



يا الأدمي دنياك:::

يالله انا من جود حسناك طـالبك
عــــفوك ومدك حيث منت iiبخيلى
يالادمـي دنياك هـــــذي تـعذبك
لوطــفت فيها مالقيت الدليلى
كل على مذهــــب امامه iiيخاطـبك
يبيك من زايــد ذنـوبه iiتشيلى
واليا عصيت اهل المذاهب iiتعاتبك
كـل يقـول ابيــك يمـي تجيلي
ولو انتحيت بعيد بالســـؤتطلبك
وكــل بصاعـه من ذنوبه iiيكيلي
احــد يصحـــح لك حديثه ويرهبك
واحــد يقول الحق عندي نزيلي
واحــد يخيفيك في كلامــه ويدبك
وابليس يضحك له وهـو iiمستشيلي
الناس عــوجــان المناطق تكذبك
وعن الصحيح الكذب معهم بديلي
ان مارضـــيت بقولهم نتف iiشاربك
وتكبر ذنـــوبك لوغناك iiتهليلي
ناس عــلى درب الفضيله تحـاربك
وعلى دروب الشــر تهذل هذيلى
ودروبهم عســـرات عــوج وتتعبك
ما تســـتوي لك لا ولا تستويلي
ينبيك عن دنياك ماضي تجـــاربك
وعــزي لحالك كان عرفك قليلى
اتبع نبيك واتـــرك اللي iiمجنبك
واقضب مماشـــى سنته لا iiتعيلى
اللــي بغار الثور للرشد iiيندبك
وابوبكر عــنده نديـم وخليلى
نصايحه للرشـــد حــذرا iiتغايبك
هــرجه صـحيح وكل فعله جميلي
ســـنة نبيـــك للفضيله تقـربك
المصطفى ماله شـــبيه وعديلي
واحــذرك عـن نقالة السو تقربك
ومن يتبع العايل لـزوم iiيعيلى
لوانت ما تغضب ترى الناس تغضبك
وعـقب المعزه يجعلوانك iiذليلى
وتــرى ردي العرق للعيب يجـذبك
وتصير بدروب الـردا له عميلي
وبنت الردي حذراك حـذراك تعجبك
واحــذر تصير لمثل هذي iiحليلى
وعـن ما يعيب النسل عرب مناسبك
وعليك في بنت الحصـان iiالاصيلي
يجـي ولدهــا فارق عن قــرايبك
ويقف في وجـه الخصيم iiالقبيلي
ان كبرت القالات بالفعل يعجــبك
ويبرد هـمومك كان قلبك iiغليلي
مثل القطامي في هـــداده iiيشببك
والــدم من مخــلاب كفه يسيلي
ليا صارما صلبين الارياء مكاسبك
تـراك بين الناس تبقى هـزيلي
وترى دروب الخبث يالعبد تذهـبك
ويفــوت عمـرك ما تحصل iiحصيلي
احــذر يابن حــوا تطمن لحاجبك
الا لــرب للخــلايــق يــزيلي
الي بعفوه عن عــذابه يرغـــبك
وعينه لكل الخلق دايـم iiتخيلى
في لوحه المحفوظ يا لعبد مذهبك
نــزل بحــق وكل ما به فضيلى
ومعاشر الخايب مع الناس يذربـك
وتصبح قليل الميز عقلك هبيلى
ومعاشـر الطيب على الطيب يجلبك
ويـرقـــيك للعليا بظل iiظليلي
لا تقرب الأجــرب بالامراض iiيعطـبك
يصـــير جسمك مثل جسمه iiعليلي
ممشا الخفامن صافي العقل iiيسلبك
ويصير لك يــم الرذيله iiسبيلي
وعـن مارد الانـذال نزه iiمشـاربك
واشــرب نظـيف لوورادك طويلي
ولياك تنسى يابن الأ جواد iiواجبك
والي يـروم المجد حمله iiثقيلي
يا لادمــي وان كان كبرت iiمصايبك
ا**ن على محي ا لبلاد iiالمحيلى
ا**ن على رب بعرشــه iiيراقـــبك
وناجه وبعد العسـر يره جليلي
ناجــه ولاجـل ارضاه وجه iiركايبك
وخــلك لعلام الســـرايردخيلي
هــو الذي ينجيك من كود iiصـايبك
ويذريك من كربات هــول مهيلي
يا لعــبد مكن عــند ربك iiمقضبك
وفــكر وقـــدر وانتبه iiلاتميلي
ولحـــد من الخلاق يالعبد حاجـبك
هــو الذي مـده وعـفوه جزيلى
وهــو الذي في ما فعلته iiيحسابك
وهـو الذي بارزاق عبده iiكفيلى


من بادي الوقت:::

من بادي الوقت وهذا طبع iiالايامي
عذبات الايام ما تمدي لياليها
حلو الليالي توارى مثل الاحلامي
مخطور عني عجاج الوقت iiيخفيها
أسري مع الهاجس اللي ما بعد نامي
واصور الماضي لنفسي iiواسليها
أخالف العمر أراجع سالف أعوامي
وانوخ ركاب فكري عند داعيها
تدفا على جال ضوه بارد عظامي
والما يسوق بمعاليقي ويرويها
إلى صفالك زمانك عل ياظامي
اشرب قبل لايحوس الطين صافيها
الوقت لو زان لك ياصاح ما دامي
ياسرع ما تعترض دربك iiبلاويها
حتى وليفك ولو هيم بك هيامي
سيور الايام تجنح به عواديها


تدرين و أدري:::

تدرين وادري بنفترق
تدرين قلبي بيحترق
حنا اتفقنا في كل شي الا الزمن
عيى الزمن لا نتفق
ولاتزعلي لو نفترق
قلبك خلي
وقلبي انا اللي بيحترق

ياوردة في كل الفصول
يافرح عيى لايطول
قولي واقول
ان كان عندك لي حلول
يافرحة القلب الحزين
الوقت يمر ..
ومالك عذر
كانك تبين ننسى العمر ..
ننسى السنين
وانذوب في حب وحنين
تدرين وش سر الحكاية
الوقت يمر .. ولكل شي لابد نهاية
وحنا قربنا من النهاية
ومالك عذر
يابسمة الثغر الخجول
ان كان عندك لي حلول
وان كان ودك نتفق
والا ترانا بنفترق
ولاتزعلي لو نفترق
قلبك خلي
وقلبي انا اللي بيحترق

ياحب .. يادنيا جديدة
يا احلى ابيات القصيدة
ان كان جرحي ما كفى
انزفلك جروحٍ جديدة
وان كان شعري ماوفى
انسى الحكي وانسى القصيدة
يا احلى ايام العمر
كثر الحكي وش بيفيد
ومابقى عندي صبر
والجرح في قلبي يزيد
مالك عذر
يابسمة الثغر الخجول
ما اظن عندك لي حلول
وما اظن ودك نتفق
واحنا ترانا بنفترق
ولاتزعلي لو نفترق
قلبك خلي
وقلبي انا اللي بيحترق

يلا تشاااااو